Акцыя ў падтрымку Саюза палякаў прайшла пад наглядам міліцыі


Ля Польскага дома ў Гародні 10 лютага сабралося каля 300 чалавек, каб падтрымаць беларускіх палякаў, якія пераследуюцца ўладамі.

Як паведамляе «Радыё Свабода», удзельнікі акцыі салідарнасці трымалі ў руках польскія сцяжкі, спявалі песні. У гэты час супрацоўнікі МУС папярэдзілі, што акцыя з'яўляецца незаконнай. Міліцыянты, якія стаялі побач, здымалі тое, што адбываецца на відэа.

Перад удзельнікамі акцыі выступіла кіраўнік непрызнанага беларускімі ўладамі Саюзу палякаў Анжаліка Борыс. Яна сказала, што было сабрана 5 тысяч подпісаў пад патрабаваннем да Аляксандра Лукашэнкі легалізаваць арганізацыю. Нягледзячы на гэта, як адзначыла Борыс, гэты ліст застаўся без адказу.

Посольство Польши опровергает БТ

Первый канал Белорусского телевидения обвинил главу консульского отдела посольства Польши во вмешательстве в дела белорусской общественной организации – Союз поляков.

Напомним, что посла Польши в Беларуси Генрика Литвина отозвали в Варшаву. Эту информацию «Радыё Свабода» подтвердил первый секретарь польского посольства в Минске Павел Марчук.

Формально посол Генрик Литвин отозван в МИД Польши для консультаций. Уехал ли уже из Минска дипломат, Павел Марчук сообщить не смог.

Посол Польши в Беларуси Хенрик Литвин отозван в Варшаву. Как сообщил БелаПАН первый секретарь посольства Павел Марчук, отзыв посла связан с ситуацией вокруг Дома польского в Ивенце.



От каких-либо комментариев дипломат отказался.

МЗС Польшчы адклікаў амбасадара з Менска

Амбасадар Польшчы Генрык Літвін адкліканы ў сувязі з захопам міліцыяй Польскага дома ў Івянце.

Прэс-сакратар МЗС Польшчы Пётр Пашкоўскі заявіў «Радыё Свабода», што адкліканне амбасадара на кансультацыі – гэта палітычны сігнал, што польская дыпламатыя негатыўна ацэньвае дзеянні, распачатыя беларускімі ўладамі ў дачыненні да палякаў у Беларусі.

Тым часам амбасадар Беларусі ў Польшчы Віктар Гайсёнак быў выклікаў у Міністэрства замежных справаў Польшчы, дзе віцэ-міністр Анджэй Крэмер выказаў яму сур'ёзную занепакоенасць дзеяннямі беларускіх праваахоўных органаў. «Такія рэпрэсіўныя дзеянні для нас не прымальныя», - заявіў віцэ-міністр.

Дарадца Качыньскага: Сітуацыя з палякамі ў Беларусі – найгоршая ў свеце

Польскія палітыкі рэзка асудзілі падзеі вакол польскай меншасці ў Беларусі.

У размове з «Еўрарадыё» дарадца прэзідэнта Польшчы па справах суайчыннікаў за мяжой Міхал Дворчык адзначыў, што што больш нідзе ў свеце палякі не сутыкаюцца з такім парушэннем сваіх правоў і свабодаў, як у Беларусі.

«На сённяшні дзень палякі ў Беларусі знаходзяцца ў найцяжэйшай сітуацыі. У іншых краінах, еўрапейскіх і не еўрапейскіх, дзе жыве шмат палякаў і асобаў польскага паходжання, здараюцца, вядома ж, рознага кшталту праблемы і нават парушаюцца правы чалавека ды не вытрымліваюцца еўрапейскія стандарты. Аднак да такіх брутальных сітуацый, як гэта адбываецца ў Беларусі, нідзе ў свеце не даходзіць – у дачыненні да палякаў», - заявіў Міхал Дворчык.

У інтэрв'ю «Польскаму радыё» намеснік старшыні Сенату - верхняй палаты парламента Польшчы - Мацей Плажынскі таксама выказаў пратэст супраць захопу беларускай міліцыяй Польскага дома ў Івянцы. Плажынскі нагадаў, што гэта адзін з трох дамоў у Беларусі, якімі кіруе непрызнаны ўладамі Саюз палякаў Беларусі на чале з Анжалікай Борыс. З 1990-х гадоў у Беларусі пабудаваны за кошт польскай дзяржавы 16 Польскіх дамоў.

Анжаліка Борыс: Рэжым Лукашэнкі парушае правы ўсіх беларусаў


Дзеянні чыноўнікаў супраць Саюза палякаў Беларусі трэба разглядаць у кантэксце агульнай палітыкі беларускіх уладаў, якія парушаюць правы чалавека.

Пра гэта, каментуючы канфлікт вакол Дома польскага ў Івянцы, заявіла старшыня непрызнаванага ўладамі Саюзу палякаў Беларусі, Анжаліка Борыс.

Кіраўнік СПБ адзначыла, што сітуацыя нагадвае ёй падзеі 2005 года, калі спецназ сілай захапіў Дом польскі ў Гародні. «Гэтыя падзеі сведчаць пра працяг палітыкі ціску беларускіх уладаў на незалежны Саюз палякаў у Беларусі», - перакананая Борыс.

Гэтая палітыка, паводле словаў Борыс, «выяўляецца ў ціску на незалежныя арганізацыі і людзей з незалежнымі поглядамі». У якасці прыкладу яна прывяла такія факты, як доўгае ўтрыманне пад вартай без суду прадпрымальніка з Ваўкавыска Мікалая Аўтуховіча, ціск на журналістаў незалежных СМІ, у тым ліку польскага тэлеканала «Белсат».

Анжаліка Борыс выказала ўдзячнасць «дэмакратычнай супольнасці Беларусі і ўсім людзям добрай волі» за салідарнасць з неафіцыйным Саюзам палякаў.

Анжаліка Борыс таксама паведаміла, што прэзідэнт Польшчы Лех Качыньскі запрасіў яе на сустрэчу. Паводле словаў кіраўніка СПБ, прэзідэнт таксама выказаў салідарнасць з грамадскім аб'яднаннем палякаў.

Нагадаем, што ўчора ў Івянцы (Менская вобласць) у Польскі дом, які належыць непрызнанаму ўладамі Саюзу палякаў Беларусі, прыйшлі супрацоўнікі міліцыі і судовыя выканаўцы. Судовыя выканаўцы прыступілі да вопісу маёмасці. Сам будынак быў акружаны міліцыянтамі. Актывістаў непрызнанага Саюза палякаў міліцыянты з будынка выштурхалі. Пасля гэтага яны правялі туды нейкага Станіслава Бурачэўскага, які кіруе мясцовым аддзяленнем альтэрнатыўнага (лаяльнага уладам) Саюза палякаў.

Папярэдні канфлікт вакол Польскага дома ў Івянцы адбыўся ў канцы студзеня. Тады ўлады спрабавалі зладзіць там з'езд, каб зрушыць кіраўніка мясцовага аддзялення непрызнанага СПБ Тэрэзу Собаль. Дзесяткі актывістаў арганізацыі, якія накіроўваліся ў Івянец, былі затрыманыя.

Саюз палякаў быў расколаты ў 2005 годзе. Частка яго, лаяльная уладам, з'яўляецца афіцыйна прызнанай. Актывісты непрызнанага СПБ на чале з Анжалікай Борыс падвяргаюцца пераследу з боку ўладаў.

паводле www.charter97.org